আজি 14ফেব্ৰুৱাৰী। আজি অসমলৈ আহিব দেশৰ প্ৰধান মন্ত্ৰী নৰেন্দ্ৰ মোডী।আজিৰ এই বিশেষ দিনটোত ৰাজ্যবাসীক কেইবাটাও গুৰুত্বপূৰ্ণ উন্নয়নমূলক উপহাৰ আগবঢ়াব প্ৰধানমন্ত্ৰী গৰাকীয়ে প্ৰথমে উল্লেখযোগ্য উপহাৰ হিচাপে গুৱাহাটীৰ সৈতে উত্তৰ গুৱাহাটী সংযোগ কৰা নৱনিৰ্মিত দলং ৰাইজৰ বাবে উৎসৰ্গা কৰিব
এই দলঙে অঞ্চলটোৰ যোগাযোগ ব্যৱস্থাত প্ৰদান কৰিব নতুন গতি ।
আনহাতে শিক্ষাক্ষেত্ৰতো সূচনা হ’ব নতুন দিগন্তৰ। গুৱাহাটীত স্থাপন হ’ব দেশৰ ২২ সংখ্যক ভাৰতীয় ব্যৱস্থাপনা প্ৰতিষ্ঠান —অৰ্থাৎ Indian Institute of Management
গুৱাহাটী মহানগৰীক অধিক শক্তিশালী শিক্ষাকেন্দ্ৰ হিচাপে গঢ়ি তুলিবলৈ
কেন্দ্ৰীয় চৰকাৰে এই আই আই এম স্থাপনৰ বাবে ৫৫৫ কোটি টকাৰ এক বিশাল ধনৰাশি আবণ্টন কৰিছে। আজি প্ৰধান মন্ত্ৰী গৰাকীয়ে ইয়াৰ অস্থায়ী কেম্পাছৰো কৰিব আনুষ্ঠানিক উদ্বোধন ।
চলিত বৰ্ষৰ পৰাই প্ৰতিষ্ঠানখনত শিক্ষাৰ্থীৰ নামভৰ্তি প্ৰক্ৰিয়া আৰম্ভ হ’ব । এই নতুন আই আই এমে অসমৰ শিক্ষাৰ্থীসকলৰ বাবে মেনেজমেন্ট শিক্ষাৰ নতুন দুৱাৰ মুকলি কৰিব।
, আই আই টি আৰু আই আই এমৰ সংযোগে অসমত নতুন উদ্যোগ, উদ্যমিতা আৰু অৰ্থনৈতিক বিকাশৰ পথ মুকলি কৰিব।
লগতে দেশৰ প্ৰধানমন্ত্ৰীগৰাকীয়ে উজনি অসমৰ মৰাণত দেশৰ বায়ুসেনাৰ জৰুৰীকালীন অৱতৰণৰ বাবে সাজু কৰা বিশেষ ৰাষ্ট্ৰীয় ঘাইপথো মুকলি কৰিব,,
সেয়ে আজিৰ দিনটো অসম তথা উত্তৰ-পূৰ্বাঞ্চলৰ বাবে এক বিশেষ দিন হিচাপে পৰিগণিত হৈছে।