বিশ্বৰ দৰবাৰত পুনৰ জিলিকিছে বিশিষ্ট চলচ্চিত্ৰ নিৰ্মাতা ৰিমা দাস। অসমৰ এখন ভিতৰুৱা গাঁৱৰ পৰা কৰি তেওঁৰ যাত্ৰাই এতিয়া লৈছে বিশ্বমুখী গতি। এইগৰাকী সৃষ্টিশীল নাৰীয়ে পুনৰ এবাৰ বিশ্বৰ সাংস্কৃতিক মানচিত্ৰত উজলাবলৈ সাজু হৈছে অসমৰ নাম
কৌটি টকাৰ বিশাল বাজেট নহয়, নামী-দামী অভিনেতাৰ দলো নহয় — তেওঁৰ শক্তি মাথোঁ এটি কেমেৰা আৰু বুকু ভৰা সাহস। নিজৰ অধ্যৱসায় আৰু সৃষ্টিশীলতাৰ জৰিয়তে তেওঁ ইতিমধ্যে বিশ্ব চলচ্চিত্ৰ জগতত বিশেষ স্থান দখল কৰিছে ৰীমা দাসে ।
ইয়াৰ আগতে তেওঁৰ প্ৰখ্যাত ছবি Village Rockstarsৰ জৰিয়তে অস্কাৰলৈকে অসমৰ নাম কঢ়িয়াই নিয়াৰ পিছত, এতিয়া পুনৰ ইতিহাস ৰচিবলৈ আগবাঢ়িছে ৰিমা দাস।
তেওঁৰ নতুন ছবি Not a Hero এইবাৰ বিশ্বৰ অন্যতম সন্মানীয় চলচ্চিত্ৰ উৎসৱ Berlin International Film Festival ২০২৬ৰ ‘জেনেৰেচন’ শাখাত প্ৰদৰ্শনৰ বাবে নিৰ্বাচিত হৈছে। আজি বাৰ্লিনত অনুষ্ঠিত হ’ব ছবিখনৰ বিশ্ব প্ৰিমিয়াৰ।
Sunny Deol আৰু Varun Dhawan অভিনীত যুদ্ধধৰ্মী ছবি **‘Border 2’**য়ে বক্স অফিচত এক উল্লেখযোগ্য সাফল্য অৰ্জন কৰিছে। মুক্তিৰ মাত্ৰ ১৬ দিনৰ ভিতৰতে ছবিখনে ₹৩০০ কোটিৰ ক্লাবত স্থান লাভ কৰি ‘Sultan’ আৰু ‘Dhoom 3’ৰ দৰে বহুল চৰ্চিত ব্লকবাষ্টাৰকো অতিক্ৰম কৰিবলৈ সক্ষম হৈছে।
শনিবাৰে ছবিখনে ভাৰতীয় বজাৰত প্ৰায় ₹৪.২৫ কোটি আয় কৰে। যদিও তৃতীয় সপ্তাহৰ আৰম্ভণি শুকুৰবাৰে কিছু মন্থৰ আছিল আৰু সেইদিনা ছবিখনৰ আয় আছিল প্ৰায় ₹২.৮৫ কোটি, সপ্তাহান্তত দৰ্শকৰ সঁহাৰিৰ ফলত শনিবাৰে সংগ্ৰহ প্ৰায় দুগুণ বৃদ্ধি পায়। Sacnilkৰ প্ৰাৰম্ভিক তথ্য অনুসাৰে, এই জোৰদাৰ উত্থানে ছবিখনৰ মোট আয় নতুন উচ্চতাত উপনীত কৰিছে।
উল্লেখযোগ্য যে শনিবাৰে ‘Border 2’য়ে ‘Sultan’ (₹৩০০ কোটি) আৰু **‘Dhoom 3’ (₹২৯০ কোটি)**ৰ সৰ্বমুঠ আয়ক অতিক্ৰম কৰে। এতিয়া দেওবাৰে ছবিখনে ‘Padmaavat’ৰ জীৱনকালীন সংগ্ৰহ ₹৩০৩ কোটি অতিক্ৰম কৰাৰ লক্ষ্য লৈ আগবাঢ়িছে।
যদিও দ্বিতীয় আৰু তৃতীয় সপ্তাহত সংগ্ৰহ কিছু হ্ৰাস পোৱা দেখা গৈছিল, শক্তিশালী সপ্তাহান্ত আৰু দৰ্শকৰ অব্যাহত আগ্ৰহে ‘Border 2’ক বৰ্তমানেও বক্স অফিচৰ অন্যতম শীৰ্ষ ছবি হিচাপে প্ৰতিষ্ঠা কৰিছে।
