অসমত অতি শীঘ্ৰেই স্থাপন কৰা হ’ব ৰাজ্যৰ প্ৰথমটো মোবাইল ফোন নিৰ্মাণ ইউনিট। এই উদ্যোগ আৰম্ভ হ’লে এতিয়াৰ পৰা “Made in India”ৰ লগতে “Made in Assam” টেগো দেখিবলৈ পোৱা যাব মোবাইল ফোনত।
এই মোবাইল ফোন মেনিফেকচাৰিং ইউনিটে অসমৰ উদ্যোগ খণ্ডলৈ আনিব নতুন গতি। বিশেষকৈ ৰাজ্যখনৰ অৰ্থনীতি শক্তিশালী হোৱাৰ লগতে সৃষ্টি হ’ব বহুতো কৰ্মসংস্থাপনৰ সুবিধা। ইয়াৰ ফলত স্থানীয় যুৱক-যুৱতীয়ে ৰাজ্যৰ ভিতৰতে কৰ্মসংস্থাপনৰ সুযোগ লাভ কৰিব বুলি আশা প্ৰকাশ কৰিছে ৰাজ্য চৰকাৰে
কেৱল মোবাইল ফোন উৎপাদনেই নহয়, আগন্তুক দিনত ইলেক্ট্ৰনিকছ সামগ্ৰী নিৰ্মাণৰ ক্ষেত্ৰতো অসমে আগবাঢ়ি যোৱাৰ সম্ভাৱনা দেখা গৈছে।
উন্নয়ন আৰু উদ্যোগীকৰণৰ এই নতুন পদক্ষেপে অসমক আত্মনিৰ্ভৰ অৰ্থনীতিৰ দিশে আগুৱাই নিয়াৰ সম্ভাৱনা দেখা গৈছে।